HITZALDIAK -

Luis Oiarzabalen hitzaldi eta konferentzien helburua bertaratutakoen kontzientzia eta esnatze prozesua bizkortzea da. Bakoitzak beregan duen benetako potentzial edo ahalmena ezagutzea eta martxan jartzeko bidea argitzea dute oinarri.

Gaur egun bizi garen gizarte aztoratu honetan beharrezkoa da apur batez gelditu eta bizi garen moduaren inguruan hausnartzea, benetan nola bizi nahiko genukeen argitzeko.

Ezinbestekoa da baita ere bakoitzaren ahalmenak ezagutzea eta kudeatzen jakitea, horrela amestutako bizitza mota hori eraiki eta aurrera eraman ahal izateko.

Entzuleei kontzientzia esnatuko dien hitzaldia topatzea baduzu helburu, eta sinesmenak eta emozioak bezalako gai delikatuak lasaitasun eta gertutasunez elkar banatzea, errespontsabilitate pertsonala bultzatzea, bizitzarekiko eta gozamenerako pasioa berpiztea eta norberaren ongizatea sustatzea bilatzen ari bazara, leku egokira heldu zara.

Ez izan zalantzarik, programa honetako hitzaldiek bertaratutakoek beren barnearekin konektatzea lortuko dute, baita beren onena kanporatu ta azaltzeko ilusioa berreskuratzea ere. Izan ere, guztiok daukagu barnean uste duguna baino askoz ere ahalmen gehiago.

Luis Oiarzabalek 3 hitzaldi nagusi eskaintzen ditu, eta “Orain da zure garaia” programaren parte dira.

HITZALDI ETA KONTZIENTZIA

TARTE BAT BARRURA BEGIRA (Kontzientzia)

Hitzaldi honetan proposatzen dena momentu batez gelditzea da, daramagun erritmoaren inguruan hausnartzea, eta zoriontsu bizitzeko benetan behar dugunaren inguruan kontzientziatzea.

EZAGUTU ZURE ALTXORRA (Autoezagutza eta jarrera positiboa)

Egunerokotasunean inkontzienteki maneiatzen ditugun indar ezberdinak landuko dira solasaldi honetan. Indar horiek kudeatu, bakoitza bere bizitzaren gidari izan eta horrela ingurukoentzat ere erreferente positibo batean bilakatzean datza.

ORAIN DA ZURE GARAIA (Lidergoa eta garapen pertsonala)

Hizketaldi hau beharrezko bultzada eman eta salto egitera ausartzeko diseinatuta dago, bakoitzak buruan “klik” egin eta amestutako horren bila joateko. Kontzienteki plan bat sortu eta bideaz gozatuz plan hori aurrera eramatea da oinarria.

ZURE NEURRIRA...

Aipatutako arloez gain, hitzaldiak moldatu eta beharren araberako beste hitzaldi batzuk ere antola daitezke, betiere garapen pertsonala eta emozioen kudeaketaren inguruan.

INTERESA DAUKAT

BALIABIDE BISUALAK

Kaixo, Luis Oiarzabal naiz. Gustuko dut bizitzak eskaintzen dituen plazerrez gozatzea eta pertsonekin erlazionatzea. 25 urteko esperientzia daukat erlazio pertsonalak sortzen kirol, enpresa, zein familia munduan.

IZAN NAIZ

Kirol entrenatzailea, enpresa gerentea, taldeburua, saltzailea eta komunikatzailea.

NIRE EMAITZAK

Laguntasun erlazio sendo eta iraunkorrak izateak nabarmentzen nau, baita erronka konplexuak lortzeak eta gainontzekoei beren ametsak lortzen laguntzeak ere.

NIRE EGINKIZUNA ETA ALDAKETA

Pertsonek beren potentzial guztia atera dezaten sustatzea eta beren helburuak lortzeko bidean laguntzea Euskaraz.

Garapen pertsonala ezagutu nuenean nire burua eta nire gaitasunak ezagutu nituen. Horrela, pertsonei zer eta nola egin esatea alde batera utzi nuen, eta bakoitzari zer eta nola egin nahi duen erabakitzeko bidean laguntzen hasi nintzen, bideaz ere gozatzen irakatsi nahian.

INFORMAZIO GEHIAGO